Jóganámskeið og fræðandi jógaferðir

Skoða ferðir

Jógaferðir erlendis með Eilífðarsól

Í hraða nútímans er nauðsyn að kunna að leita inn á við til að öðlast ró. Jógaferðir eru sífellt vinsælli því þær eru gullið tækifæri til að kynnast jóga og í leiðinni að hlaða batteríin á framandi slóðum. Við kynnumst einnig annarri menningu, stórkostlegri sögu og unum í mikilli náttúrufegurð. Við jógaiðkunina er leitast við að mæta þörfum allra og kennslan miðar að því að hæfa öllum, byrjendum jafnt sem lengra komnum, stirðum sem fimum.
Við stundum ýmist kundalini jóga eða jóga nidra og miðast valið við samsetningu, áhuga og óskir hópsins.

Ferðalag fyrir sálina

Hlúum að öllu í okkur sjálfum ~ líkama, huga og sál

Sjálfsrækt og endurnæring

Finnum styrkinn okkar ~ öðlumst innri ró og sátt  ~ kveðjum streituna

Menning og náttúra

Kynnumst framandi sögu, menningu, og mat ~ njótum náttúrufegurðar

Um Eilífðarsól

Í hraða nútímans er nauðsyn að kunna að leita inn á við til að öðlast ró. Jógaferðir eru sífellt vinsælli því þær eru gullið tækifæri til að kynnast jóga og í leiðinni að hlaða batteríin á framandi slóðum. Við kynnumst einnig annarri menningu, stórkostlegri sögu og unum í mikilli náttúrufegurð. Við jógaiðkunina er leitast við að mæta þörfum allra og kennslan miðar að því að hæfa öllum, byrjendum jafnt sem lengra komnum, stirðum sem fimum.
Við stundum ýmist kundalini jóga eða jóga nidra og miðast valið við samsetningu, áhuga og óskir hópsins.

Ferðalag fyrir sálina

Hlúum að öllu í okkur sjálfum ~ líkama, huga og sál

Sjálfsrækt og endurnæring

Finnum styrkinn okkar ~ öðlumst innri ró og sátt  ~ kveðjum streituna

Menning og náttúra

Kynnumst framandi sögu, menningu, og mat ~ njótum náttúrufegurðar

Jógaferðir á dagskrá

Ítalía - Sikiley

Sjö dagar af vellíðan

28. ágúst - 3. september 2022

7 daga dvöl á fallega uppgerðu sveitasetri á Sikiley. Við njótum hvíldar og vellíðunar í sveitakyrrð, iðkum jóga og slökum við sundlaugina, og fáum innsýn í menningu Sikileyjar í skoðunarferðum til nálægra bæja og staða.

Sikiley er stærsta eyja Miðjarðarhafsins, með löngum ströndum, stórbrotinni náttúru, og eldfjallinu Etnu. Eyjan býr yfir mjög heillandi sögu, menningu og matarhefð.

Ferðin er líka í boði sérsniðin fyrir hópa

7 dagar / 6 nætur

28. ágúst - 3. september 2022

Jóga Nidra og Kundalini Jóga

Frá 319.000 kr.

Ítalía - Gardavatn

Jóga og sjálfsrækt við Gardavatn

3. - 10. september

Við eflum líkama, huga og sál! Í jóga kynnumst við leiðum til innri hlustunar, slökunar, friðar og sáttar við okkur sjálf og umhverfið. Í sjálfsrækt spáum við í frið, íhugun, styrkleika, gleði, jafnvægi, skemmtun, sérstöðu, markmið, flæði, núvitund, sóknarfæri, upplifun, hugsanir og viðhorf.

Vikudvöl við Gardavatn á Ítalíu með morgunjóga, hugleiðslu og sjálfsrækt. Eftir hádegið heimsækjum við heillandi staði eins og Veróna og Feneyjar og bæina við Gardavatn. Síðasta dag ferðar heimsækjum Mílanó, borg hátísku og menningar.

8 dagar / 7 nætur

3. – 10. september 2022

Jóga nidra

Frá 239.000 kr.

Tillögur að ferðum

Við bjóðum sérsniðnar hópa- og starfsmannaferðir til Ítalíu, Slóveníu eða Tyrklands þar sem jóga er blandað saman við ferðagleði sem gerir ferðina og andann í hópnum enn betri!

Hér má sjá ferðir sem við höfum skipulagt fyrir hópa. Allar ferðir má skipuleggja og sníða að áhuga og óskum hópsins. Hafið samband fyrir frekari upplýsingar.

Ítalía - Gardavatn

Lystisemdir Ítalíu

8 daga dvöl í bænum Salo sem liggur við hið rómaða Gardavatn. Við iðkum jóga í undurfögru umhverfi sunnan Alpa og kynnumst ítalskri menningu með heimsóknum til bæja og borga. Við skoðum miðaldabæinn Sirmione, Veróna sem oft er kölluð litla Róm vegna sinna gömlu rómversku minja og hinar einstöku Feneyjar með iðandi gondólum og litríku lífi. Síðasta dag ferðar kynnumst við hátískuborginni Mílanó sem er þó svo margslungin og mögnuð að sækja heim.

Ferðin er líka í boði sérsniðin fyrir hópa

8 dagar / 7 nætur

Vor / Haust

Val um Jóga Nidra eða Kundalini Jóga

Tilboð fyrir hópa

Ítalía - Iseo vatn

Afslöppun í sveitarró

Dvöl á sveitahóteli hátt til fjalla við Iseovatnið, þar eru þrjár eyjar og munum við una í þeirri stærstu einn daginn. Við njótum kyrrðar og afslöppunar í sveitarró og förum í göngur út frá hótelinu í fallega náttúru með stórfenglegu útsýni. Borgin Veróna er heimsótt og hátískuborgin Mílanó.
Ferðin er 8 daga hæglætisferð – við lærum að una og njóta þess sem er, iðkum jóga nidra að morgni, veltum fyrir okkur hvað við viljum og setjum það sem ásetning inn í iðkunina. Gönguferðirnar miðast við getu hvers og eins.

8 dagar / 7 nætur

Vor / Sumar / Haust

Jóga nidra

Tilboð fyrir hópa

Slóvenía - Bled

Töfrandi fegurð

Slóvenía er land mikillar náttúrufegurðar með háum fjöllum og undirlendi og syðst liggur landið að Adríahafinu.
Bled vatn er sagt vera einn fallegasti staður í Evrópu og liggur í dal umkringt hæðum og snæviþöktum Ölpum þar sem Triglav tindur sig upp í 2864 metra hæð.
Þetta er 8 daga hæglætisferð. Við unum í mikilli náttúrufegurð svæðisins við göngur um hæðir, gil og fjöll og njótum slakandi áhrifa sem ástundun yoga nidra gefur. Að auki förum við í dagsferð til Ljubljana sem nefnd hefur verið Litla Prag.

8 dagar / 7 nætur

Vor / Haust

Jóga nidra

Tilboð fyrir hópa

Tyrkland

Framandi heimur Tyrklands

Tyrkland er land margra heima með ríka menningu sem gerir það skemmtilegt ævintýr að heimsækja þetta land. Á suðvesturströnd Tyrklands er dvalið nærri strandbænum Fethiye sem liggur á móts við grísku eyjuna Rhodos. Undurfalleg náttúra, fagurblár sjór, framandi islömsk menning með moskum og bænakalli, spennandi matur, eldgömul saga, vagga Evrópu, fornar borgarústir, mjúkar strendur, bæir og sveitir.

8 dagar / 7 nætur

Vor / Haust

Val um Jóga Nidra eða Kundalini Jóga

Tilboð fyrir hópa

Tenerife

TENE - ekki bara til að TANA

Viltu losna úr drunga íslenska vetrarins og hlaða batteríin á eyju hins eilífa sumars? Annan hvern dag höldum við á vit ævintýra að loknum morgunnámskeiðum í jóga og sjálfsrækt - við förum í göngu nærri Teide eldfjalli, spókum okkur í Garachio sem er strandbær með laugum í flæðarmálinu. Hinn daginn eru rólegheit á dagskrá. Gististaður okkar er sannkallað listaverk gert af samspili náttúru og manns - Hacienda Cristoforo.

8 dagar / 7 nætur

Haust / Vetur / Vor

Jóga Nidra og Kundalini Jóga

Tilboð fyrir hópa

Hópar

Ferðaplön má endurskoða og sérsníða fyrir hópa. Ef vilji er til dæmis fyrir gönguferðum eða hjólaferðum, heimsókn á vínbúgarð eða öðru, er komið til móts við óskir eins og hægt er.

Hægt er að velja gististaði sem eru í meiri ró ef óskað er eftir dvöl sem minnir á jóga athvarf og hægt að aðlaga dagskrá í samræmi við það. Þar getur komið til viðbótar nudd, heilun og meðferðir af ýmsu tagi.

Ertu jógakennari og langar í hlédrag (retreat) með hópinn þinn? Aðstoðum við að finna hentuga staði á Ítalíu, Portúgal og í Tyrklandi – og Íslandi.

Áfangastaðir

Viltu til Ítalíu, Slóveníu, Tyrklands eða Tenerife?

Heillar Ítalía þig? Þú getur valið ferð til Gardavatns, Iseovatns eða Como.
Sé dvalið við Garda má sigla til Sirmione eða annarra bæja í grennd. Við Iseovatn er dvalið i sveitakyrrð í fjallaþorpi hátt til fjalla, dögum varið í göngur og jóga og svo er siglt úr í fallegu eyjuna Monte Isola þar sem tíminn stendur allt að því kyrr. Comovatn er einstaklega rómantískt, þar unum við í göngum um gamlar rómverskar gönguleiðir og siglum til nálægra bæja á vatninu.

Slóvenía er yndislegt lítið land sunnan Alpa. Dvalið er við hið fagra Bled vatn og farið í dagsferð til höfuðborgarinnar Ljubljana. Farið er í göngur í nálægð við Bled sem státar af ótal gönguleiðum við hæfi allra.

Tenerife er eyja hins eilífa sumars og upplagt að heimsækja að vetrarlagi og njóta slökunar og jóga. Þeir sem ekki vilja slaka endalaust hafa ýmsa góða möguleika til að sjá fallega og stórbrotna náttúru á þessari fallegu eyju sem hefur svo margt fleira en túristastrendur.

Tyrkland er magnað land með eldgamla menningu og sögu og liggur á mótum álfanna Evrópu og Asíu með exotískt andrúmsloft. Dvalið er nærri bænum Fethyie á suðvesturströnd landsins, farið í siglingu og göngur og innsýn fengin í þá sérstöku menningu sem þarna er.

Gardavatn

Gardavatn er stærst ítölsku vatnanna og við það liggja margir sögufrægir bæir og gömul saga kúrir víða sem gaman er að gægjast inn í, hvort sem er inn í heim Rómverja, miðalda eða nútímans. Kastalar, virki, gamlar kirkjur og klaustur má sjá víða upp um hæðir með tignarleg fjöll Alpa í bakgrunni.

Iseo vatn

Iseo vatnið liggur í dal innan um hæðir og fjallstinda og þar eru fallegir bæir á vatnsbökkum og upp til fjalla, sumir þeirra litlir með sveitakyrrð og skemmtilegum gönguleiðum sem gönguþyrstir elska að þræða. Eyjan Monte Isola liggur í vatninu með sínu rólega yfirbragði, þar hafa íbúar lifað af fiskveiðum og ólífurækt um aldir.

Slóvenía

Slóvenía er land mikillar náttúrufegurðar og ein af perlum þess er hið töfrandi Bled vatn sem liggur í dal umkringt hæðum og Alpatindum. Sannkölluð draumaveröld með höllum og villum við bakkana og í vatninu kúrir eyja með sögufrægri kirkju. Önnur perla er hin snotra Ljubljana, með sinn fallega miðbæ við bakka árinnar Ljubljanicu.

Algengustu spurningarnar

Your Title Goes Here

Your content goes here. Edit or remove this text inline or in the module Content settings. You can also style every aspect of this content in the module Design settings and even apply custom CSS to this text in the module Advanced settings.

Þarf ég að vera liðug/ur til að vera með í jóga?

Nei, svo sannarlega ekki. Í ferðunum er ýmist leitt kundalini jóga eða jóga nidra. Í kundalini jóga eru stöður og æfingar aðlagaðar að þátttakendum og ef þarf er hægt að gera margar æfinganna sitjandi á stól, fyrir þá sem líkar illa að sitja í jógastöðu á dýnu. Viðkomandi æfingar hafa alveg jafn mikil áhrif hvort sem þær eru framkvæmdar sitjandi á stól eða á jógadýnu.
Í jóga nidra eru þátttakendur leiddir í djúpa slökun þar sem mestmegnis er hvílt í liggjandi stöðu og líkamlegt ástand eða hreyfifærni hamlar engum að taka þátt í því.

Hvernig jóga er kennt?

Við kennum ýmist kundalini jóga eða jóga nidra. Í kundalini jóga er tíminn samsettur af upphitun, röð af jógaæfingum, hugleiðslu og slökun. Með iðkun kundalini jóga flæðir lífsorkan okkar og eykur og jafnar streymi milli orkustöðva. Við fáum meira jafnvægi í starfsemi líkamans, þar með talið milli heilahvela og mikil áhersla er á örvun innkirtlakerfisins sem er svo mikilvægt heilbrigði okkar. Við þjálfum andlegan og líkamlegan styrk með líkamlegum æfingum og öndunaræfingum sem hreinsa og auka flæði orkunnar, undirstöðu heilbrigðis. Hugleiðslan í lok tímans færir okkur ró sem og andlegan styrk, og úrvinnslu úr því sem kann að valda okkur spennu og streitu.

Í jóga nidra er leidd slökun þar sem hvílt er í liggjandi stöðu og æfingar eru gerðar tengdar meðvitund um líkama og öndun sem miða að því að ná meiri ró og dýpri slökun. Í dýpstu slökun er komið inn í ástand þar sem heilun og friðsæld ríkir. Mörg okkar þekkja það ástand þegar hugurinn heldur okkur eins og í spennitreyju með sífelldum hugsunum en í dýpstu slökun losnum við þaðan. Einnig getur þar farið fram hreinsun alveg niður í undivitund, oft án þess að við vitum af því. Jóga nidra hentar vel þeim sem eru að fást við kvíða, streitu og kulnun.

Mér finnst erfitt að sitja í jógastellingu - get ég tekið þátt?

Í jóga nidra eru þátttakendur leiddir í djúpa slökun þar sem mestmegnis er hvílt í liggjandi stöðu og því geta allir lagt stund á þetta jóga.
Í kundalini jóga eru stöður og æfingar aðlagaðar að þátttakendum og ef þarf, er hægt að gera margar æfinganna sitjandi á stól. Viðkomandi æfingar hafa alveg jafn mikil áhrif hvort sem þær eru framkvæmdar sitjandi á stól eða á jógadýnu.

Fá starfsmannahópar styrki frá sínu félagi fyrir ferðinni?

Mörg stéttarfélög veita styrki fyrir ferðum eins og þeim sem Eilífðarsól stendur fyrir. Undanfarin ár hafa hópar starfsmanna í grunnskólum á höfuðborgarsvæðinu farið í jógaferðir og lýst ánægju sinni með þær svo vitnað sé í ein ummælin hér á síðunni … "Ferðin okkar til Ítalíu var dásamleg. Yndislegur fararstjóri, frábært jóganámskeið og endurnýjandi hugleiðsla. Kærar þakkir fyrir skipulagið. Dagskráin gekk öll framar vonum og skoðunarferðirnar voru æðislegar. Svona ferð ætti að vera skylda hjá KÍ ‍️og jafnvel gjaldfrjáls fyrir bugaða kennara!"

Kynntu þér málið hjá þínu stéttarfélagi eða sendu línu til okkar og við göngum í málið.

Eru ferðirnar ykkar bara fyrir konur?

Nei, alls ekki. Margir karlmenn hafa tekið þátt í starfsmannahópaferðum með okkur og notið þeirra jafn vel og konur. Karlmenn þurfa engu síður en konur að læra að slaka á og takast á við streitu.

Henta þessar ferðir einstaklingum?

Já, í ferðunum kynnast þátttakendur mjög vel og oft verða til vináttusambönd sem vara áfram og sumir hópar hittast áfram eftir ferðina eða halda sambandi sem segir nokkuð um þá góðu stemmingu sem fylgir þessum ferðum.

Umsagnir

Mæli heilshugar með

"Ég fór í júní í svona jógaferð sem var algjörlega dásamleg. Kúndalíni jóga á morgnana og hugleiðsla á kvöldin. Fínt lítið fjölskylduhótel og frábær ítalskur matur. Guðrún Ingibjörg jógakennari og ferðafélagarnir allir sem einn hið besta fólk. Mæli heilshugar með svona jógafrísferð."

Frábær ferð

"Alveg frábær ferð, mæli með þessu. Yndislegur farastjóri, skemmtilegir ferðafélagar, og unaðslegt umhverfi. "

Skylduferð

"Ferðin okkar til Ítalíu var dásamleg. Yndislegur fararstjóri, frábært jóganámskeið og endurnýjandi hugleiðsla. Kærar þakkir fyrir skipulagið. Dagskráin gekk öll framar vonum og skoðunarferðirnar voru æðislegar. Svona ferð ætti að vera skylda hjá KÍ ‍️og jafnvel gjaldfrjáls fyrir bugaða kennara!"

Besta sem ég hef gert fyrir mig ❤

Fór í jógaferð til Ítalíu með Guðrúnu og Sigríði Huldu í september sl. Þessi ferð er alveg ógleymanleg, sá auglýsinguna og bókaði mig og sá sko ekki eftir því. Það er nauðsynlegt að kúpla sig frá öllu, hugsa um elsku sig -kynnast frábærum konum alstaðar af landinu komandi úr alskonar aðstæðum. Jógað-hugleiðslan-sjálfsræktin þetta var magnað . Mæli með þessu 100% og langar aftur. Nýti mér fullt af því sem ég lærði og lærði líka fullt um sjálfa mig. Þær tvær eru snillingar.

- Kolbrún Stefánsdóttir

Vel heppnuð ferð

Vel heppnuð ferð. Hjólaferðirnar hápunkturinn.

- Ingvar Jónsson

Gaman að koma til Salo

Lítill og fallegur bær. Stutt í allar áttir. Fórum til Verona í dagsferð sem var mjög skemmtilegt. Einnig var kvöldið á vínekrunni ógleymanlegt.

- Kim Juncker Nielsen

Jógatímarnir komu á óvart

Frábært að blanda saman hreyfingu og slökun. Jógatímarnir komu á óvart. Frábært umhverfi til fara í hjólaferðir.

- Gauti Marinósson

Góða fararstjórn

Frábær ferð þar sem allt var gert til að láta okkur líða vel. Góð fararstjórn.

- Arnar Halldórsson

Fallegur staður

Fallegur staður, fallegt hótel. Jógað og hjólaferðirnar voru frábærar. Maturinnn var líka frábær.

- Jóhann Gunnar Einarsso

Hafa samband

10 + 7 =

Hafa samband

Guðrún Ingibjörg
Jógakennari

894 8779
gudrun@eilifdarsol.is