Slóvenía
Bled og Ljubljana
Slóvenía er land mikillar náttúrufegurðar með háum fjöllum Alpa í norðri, víða eru dalir og undirlendi og syðst liggur landið að Adríahafinu. Það er umlukt löndum til flestra hliða, með Ítalíu í vestri, Austurríki og Ungverjaland í norðri og Króatíu í suðri. Stormasöm sambúð við svo mörg nágrannaríki hefur kostað margar styrjaldir og átök eins og birtist í minnismerkjum og styttum víða um land.
Höfuðborgin Ljubljana
Ljubljana hefur oft verið nefnd litla Prag og ástæðan er borgarmiðja hennar með brúm og fögrum byggingum sem mynda fallega heild. Arkitektinn Jože Plečnik er höfundur flestra bygginga í miðbæ Ljubljana en stór hluti borgarinnar hrundi í jarðskjálftum árið 1895. Þrískipta brúin er eitt af verkum hans og liggur yfir ána Ljubljanicu sem hringar sig um elsta hluta borgarinnar. Þar staðsettur efst á hæð er kastalinn, Ljubljanski Grad, og þanngað má ganga um þröngar götur upp gegnum gamla bæinn eða taka lyftu sem flytur mann upp undraskjótt. Þar má bæði njóta útsýnis yfir borgina, fá sér drykk á kaffihúsi og skoða kastalann sem á sér 900 ára sögu.
Slóvenía er land mikillar náttúrufegurðar með háum fjöllum Alpa í norðri, víða eru dalir og undirlendi og syðst liggur landið að Adríahafinu. Það er umlukt löndum til flestra hliða, með Ítalíu í vestri, Austurríki og Ungverjaland í norðri og Króatíu í suðri. Stormasöm sambúð við svo mörg nágrannaríki hefur kostað margar styrjaldir og átök eins og birtist í minnismerkjum og styttum víða um land.
Höfuðborgin Ljubljana
Ljubljana hefur oft verið nefnd litla Prag og ástæðan er borgarmiðja hennar með brúm og fögrum byggingum sem mynda fallega heild. Arkitektinn Jože Plečnik er höfundur flestra bygginga í miðbæ Ljubljana en stór hluti borgarinnar hrundi í jarðskjálftum árið 1895. Þrískipta brúin er eitt af verkum hans og liggur yfir ána Ljubljanicu sem hringar sig um elsta hluta borgarinnar. Þar staðsettur efst á hæð er kastalinn, Ljubljanski Grad, og þanngað má ganga um þröngar götur upp gegnum gamla bæinn eða taka lyftu sem flytur mann upp undraskjótt. Þar má bæði njóta útsýnis yfir borgina, fá sér drykk á kaffihúsi og skoða kastalann sem á sér 900 ára sögu.
Preseren – Jónas Slóvena
Við enda þrískiptu brúarinnar er bleika kirkjan sem var byggð á 17. öld og setur sterkan svip á umhverfið. Þar fyrir framan er stytta af France Preseren, ljóðskáldinu í hjarta bæjarins sem horfir þvert yfir Preserentorgið til elskunnar sinnar – hennar Juliju sem á lágmynd veifar úr glugga – til hennar orti hann ótal ástarljóð. Ævi hans er um margt lík ævi þjóðskáldsins okkar, Jónasar Hallgrímssonar, og Preseren lagði sitt af mörkum til sjálfstæðisbaráttu þjóðarinnar. Hann er höfundur þjóðsöngs Slóvena og dagur slóvenskrar menningar er á dánardegi hans, 8. febrúar.
Borg dreka og ljúfleika
Ljubljana er einstaklega sæt og ljúf borg, íbúafjöldinn er um 300.000 svo borgin er ekki svo stór en kannski liggur ljúfleiki hennar í nafninu en ljub þýðir á slóvensku að elska. Hjarta borgarinnar er við ána Ljubljanicu, yfir hana liggja margar brýr sem gefa borginni svo mikinn sjarma og þar er tilvalið að setjast á kaffihús.. Einkennistákn borgarinnar hefur allt frá miðöldum verið illúðlegur dreki og kannski veitir ekki af í ljósi sögunnar. Hann birtist best í Drekabrúnni þar sem fjórir slíkir standa vörð, hver á sínu horni.
Bled – hin töfrandi perla
Ein af perlum Slóveníu er hið töfrandi Bled vatn sem oft er sagt vera einn fallegasti staður í Evrópu. Það liggur í dal umkringt hæðum og snæviþöktum Ölpum þar sem Triglav tindur teygir sig upp í 2864 metra hæð en hann er hæsta fjall landsins.. Bled er draumaveröld með höllum og villum við bakkana. Í vatninu kúrir lítil eyja með sögufrægri kirkju sem vert er að skoða. Hægt er að láta ferja sig yfir og njóta útsýnis upp til fjalla í leiðinni.
Í mikilli náttúrufegurð svæðisins má una við göngur um hæðir, gil og fjöll auk þess sem margt er í boði af afþreyingu eins og hjólaferðir, bátsferðir, hestaferðir og fleira.
Bled – hin töfrandi perla
Ein af perlum Slóveníu er hið töfrandi Bled vatn sem oft er sagt vera einn fallegasti staður í Evrópu. Það liggur í dal umkringt hæðum og snæviþöktum Ölpum þar sem Triglav tindur teygir sig upp í 2864 metra hæð en hann er hæsta fjall landsins.. Bled er draumaveröld með höllum og villum við bakkana. Í vatninu kúrir lítil eyja með sögufrægri kirkju sem vert er að skoða. Hægt er að láta ferja sig yfir og njóta útsýnis upp til fjalla í leiðinni.
Í mikilli náttúrufegurð svæðisins má una við göngur um hæðir, gil og fjöll auk þess sem margt er í boði af afþreyingu eins og hjólaferðir, bátsferðir, hestaferðir og fleira.
Álfar – ekki bara á Íslandi
Bled vatnið er myndað af jökli en samkvæmt þjóðtrú er skýringin önnur. Fyrrum var ekkert stöðuvatn þar sem Bled vatnið er, segir sagan, heldur dalur með engi og dálítilli hæð og kletti þar sem álfar dönsuðu á nóttunni.
Fjárhirðar beittu kindum sínum í dalnum sem völsuðu frítt kringum álfaklettinn. Álfarnir báðu fjárhirðana að setja girðingu kringum klettinn til að halda kindunum frá, því álfarnir vildu dansa í mjúku grasi. Fjárhirðarnir fóru ekki að þeirri bón og þar kom að yngsta og fallegasta álfastúlkan fótbrotnaði í dansi. Álfarnir reiddust, og ákölluðu lindir og læki að flæða inn í dalinn og fylla hann af vatni. Eftir stóð aðeins hæðin með klettinum sem eyja í miðju vatni, og þar gátu álfar dansað áhyggjulausir á ljósum stjörnubjörtum nóttum.
Þegar dvalið er við Bled er auðvelt að trúa sögu eins og þessari – ævintýrin liggja nærri.
Stiklað um söguna
Saga Slóveníu er áhugaverð og einkennist af legu landsins í mið-Evrópu svo nærri stórveldum. Saga forfeðra Slóvena á rætur aftur til sjöttu aldar er Slavar dreifðust víða um Evrópu og Asíu. Hluti fór til Skandinavíu, aðrir settust að í Litlu Asíu og Sýrlandi sem málaliðar. Einn hópur settist að þar sem nú er Slóvenía og stofnuðu á 7. öld slavneska hertogadæmið Karantaníu en öld síðar glataði Karantanía sjálfstæði sínu og varð hluti af veldi Franka.
Á 14. öld fór mesti hluti landsins undir stórveldi Habsborgara, sem síðar varð að Austurríska-Ungverska keisaradæminu.
Á 19. öld varð til sterk hreyfing er barðist fyrir sameinuðu slóvensku konungsveldi sem lyti stjórn keisaradæmisins, jöfnum rétti slóvenska tungumálsins, og gegn sameiningu Habsborgaraveldisins við þýska ríkjasambandið sem þá var í gangi. Hreyfingin fékk ekki sitt í gegn en þetta voru fyrstu fræ að sjálfstæðisbaráttu Slóvena..
Fyrrum Júgóslavía
Landið var hluti af keisaraveldi Austurríki-Ungverjalands fram til 1918 og milli heimsstyrjalda tilheyrði það Konungsdæmi Serba, Króata og Slóvena. Það varð svo hluti af Júgóslavíu frá 1945 til 1991 þegar það lýsti yfir sjálfstæði ásamt Króatíu en þau voru fyrstu sambandsríki Júgóslavíu sem stigu það skref. Það leiddi til Tíu daga stríðsins, samið var um vopnahlé og júgóslavneski herinn dreginn til baka. Landið slapp því við þau hörmulegu stríðsátök sem þá léku aðra hluta Júgóslavíu illa. Frá árinu 2004 hefur Slóvenía tilheyrt Atlantshafsbandalaginu og Evrópusambandinu. Miklar breytingar urðu því í landinu á stuttum tíma eftir að sjálfstæði varð að veruleika en mannlíf hefur blómstrað og velferð almennings verið góð.
Algengustu spurningarnar
Your Title Goes Here
Your content goes here. Edit or remove this text inline or in the module Content settings. You can also style every aspect of this content in the module Design settings and even apply custom CSS to this text in the module Advanced settings.
Þarf ég að vera liðug/ur til að vera með í jóga?
Nei, svo sannarlega ekki. Í ferðunum er ýmist leitt kundalini jóga eða jóga nidra. Í kundalini jóga eru stöður og æfingar aðlagaðar að þátttakendum og ef þarf er hægt að gera margar æfinganna sitjandi á stól, fyrir þá sem líkar illa að sitja í jógastöðu á dýnu. Viðkomandi æfingar hafa alveg jafn mikil áhrif hvort sem þær eru framkvæmdar sitjandi á stól eða á jógadýnu.
Í jóga nidra eru þátttakendur leiddir í djúpa slökun þar sem mestmegnis er hvílt í liggjandi stöðu og líkamlegt ástand eða hreyfifærni hamlar engum að taka þátt í því.
Hvernig jóga er kennt?
Við kennum ýmist kundalini jóga eða jóga nidra. Í kundalini jóga er tíminn samsettur af upphitun, röð af jógaæfingum, hugleiðslu og slökun. Með iðkun kundalini jóga flæðir lífsorkan okkar og eykur og jafnar streymi milli orkustöðva. Við fáum meira jafnvægi í starfsemi líkamans, þar með talið milli heilahvela og mikil áhersla er á örvun innkirtlakerfisins sem er svo mikilvægt heilbrigði okkar. Við þjálfum andlegan og líkamlegan styrk með líkamlegum æfingum og öndunaræfingum sem hreinsa og auka flæði orkunnar, undirstöðu heilbrigðis. Hugleiðslan í lok tímans færir okkur ró sem og andlegan styrk, og úrvinnslu úr því sem kann að valda okkur spennu og streitu.
Í jóga nidra er leidd slökun þar sem hvílt er í liggjandi stöðu og æfingar eru gerðar tengdar meðvitund um líkama og öndun sem miða að því að ná meiri ró og dýpri slökun. Í dýpstu slökun er komið inn í ástand þar sem heilun og friðsæld ríkir. Mörg okkar þekkja það ástand þegar hugurinn heldur okkur eins og í spennitreyju með sífelldum hugsunum en í dýpstu slökun losnum við þaðan. Einnig getur þar farið fram hreinsun alveg niður í undivitund, oft án þess að við vitum af því. Jóga nidra hentar vel þeim sem eru að fást við kvíða, streitu og kulnun.
Mér finnst erfitt að sitja í jógastellingu - get ég tekið þátt?
Í jóga nidra eru þátttakendur leiddir í djúpa slökun þar sem mestmegnis er hvílt í liggjandi stöðu og því geta allir lagt stund á þetta jóga.
Í kundalini jóga eru stöður og æfingar aðlagaðar að þátttakendum og ef þarf, er hægt að gera margar æfinganna sitjandi á stól. Viðkomandi æfingar hafa alveg jafn mikil áhrif hvort sem þær eru framkvæmdar sitjandi á stól eða á jógadýnu.
Fá starfsmannahópar styrki frá sínu félagi fyrir ferðinni?
Mörg stéttarfélög veita styrki fyrir ferðum eins og þeim sem Eilífðarsól stendur fyrir. Undanfarin ár hafa hópar starfsmanna í grunnskólum á höfuðborgarsvæðinu farið í jógaferðir og lýst ánægju sinni með þær svo vitnað sé í ein ummælin hér á síðunni … "Ferðin okkar til Ítalíu var dásamleg. Yndislegur fararstjóri, frábært jóganámskeið og endurnýjandi hugleiðsla. Kærar þakkir fyrir skipulagið. Dagskráin gekk öll framar vonum og skoðunarferðirnar voru æðislegar. Svona ferð ætti að vera skylda hjá KÍ ️og jafnvel gjaldfrjáls fyrir bugaða kennara!"
Kynntu þér málið hjá þínu stéttarfélagi eða sendu línu til okkar og við göngum í málið.
Eru ferðirnar ykkar bara fyrir konur?
Nei, alls ekki. Margir karlmenn hafa tekið þátt í starfsmannahópaferðum með okkur og notið þeirra jafn vel og konur. Karlmenn þurfa engu síður en konur að læra að slaka á og takast á við streitu.
Henta þessar ferðir einstaklingum?
Já, í ferðunum kynnast þátttakendur mjög vel og oft verða til vináttusambönd sem vara áfram og sumir hópar hittast áfram eftir ferðina eða halda sambandi sem segir nokkuð um þá góðu stemmingu sem fylgir þessum ferðum.