Ítalía
Feneyjar
Borgin Feneyjar er í allri sinni fegurð oft nefnd drottning Adríahafsins og mikil upplifun að sigla um kanala og virða fyrir sér stórhýsi og glæsihallir liðinna tíma. Það er þess virði að kíkja í kaffi á eitt af aldagömlu kaffihúsunum við Markúsartorg og dást í leiðinni að stórfenglegum byggingum á borð við Markúsarkirkju, Hertogahöllina og Klukkuturninn Il Campanile.
Borg síkja, kaffihúsa og gondóla
Feneyjar eru reistar á mörgum hólmum og helsti ferðamáti íbúa innan borgarinnar er enn sem fyrr að sigla. Margar fallegar brýr tengja hólmana saman og því þægilegt að fara ferða sinna fótgangandi en líka skemmtilegt að sigla milli staða á gondóla, að degi eða kvöldi, jafnvel undir angurværum söng ræðarans. Kaffihúsin eru órjúfanlegur hluti af töfrum Feneyja og það er ljúft að sitja yfir rjúkandi bolla á einhverju torginu og njóta fjölskrúðugs mannlífsins sem fyrir augu ber. Þekktustu kaffihúsin eru við Markúsartorgið sem er einn þekktasti staður Feneyja og þar kostar kaffibollinn sitt – hægt er að njóta bollans og hlýða á flutning á einhverju verka Vivaldis við Florian sem er afar frægt og tilkomumikið kaffihús með fallegum innréttingum. Þarna má sötra sitt ítalska kaffi og hugsa til manna eins og Casanova, Byron, Goethe og Proust sem sóttu þennan stað.
Borgin Feneyjar er í allri sinni fegurð oft nefnd drottning Adríahafsins og mikil upplifun að sigla um kanala og virða fyrir sér stórhýsi og glæsihallir liðinna tíma. Það er þess virði að kíkja í kaffi á eitt af aldagömlu kaffihúsunum við Markúsartorg og dást í leiðinni að stórfenglegum byggingum á borð við Markúsarkirkju, Hertogahöllina og Klukkuturninn Il Campanile.
Borg síkja, kaffihúsa og gondóla
Feneyjar eru reistar á mörgum hólmum og helsti ferðamáti íbúa innan borgarinnar er enn sem fyrr að sigla. Margar fallegar brýr tengja hólmana saman og því þægilegt að fara ferða sinna fótgangandi en líka skemmtilegt að sigla milli staða á gondóla, að degi eða kvöldi, jafnvel undir angurværum söng ræðarans. Kaffihúsin eru órjúfanlegur hluti af töfrum Feneyja og það er ljúft að sitja yfir rjúkandi bolla á einhverju torginu og njóta fjölskrúðugs mannlífsins sem fyrir augu ber. Þekktustu kaffihúsin eru við Markúsartorgið sem er einn þekktasti staður Feneyja og þar kostar kaffibollinn sitt – hægt er að njóta bollans og hlýða á flutning á einhverju verka Vivaldis við Florian sem er afar frægt og tilkomumikið kaffihús með fallegum innréttingum. Þarna má sötra sitt ítalska kaffi og hugsa til manna eins og Casanova, Byron, Goethe og Proust sem sóttu þennan stað.
Markúsarkirkjan, Hertogahöllin, Klukkuturninn
Ljón er að sjá víða í Feneyjum og eru tákn Markúsar guðspjallamanns sem fékk kirkju reista yfir sínar jarðnesku leifar löngu eftir andlát sitt. Markúsarkirkjan þykir einhver íburðarmesta kirkja heimsbyggðarinnar og hvelfing hennar er prýdd skíra gulli auk litskrúðugra mósaíkmynda sem tók 600 ár að fullgera.
Hertogahöllin og Rialto brúin eiga það sameiginlegt að hönnuður þeirra var arkitektinn Antonio da Ponti. Útlit Hertogahallarinnar byggði hann talsvert á fyrri byggingu sem hafði brunnið til kaldra kola árið 1577. Eftirtektarvert er hversu þessi stóra bygging er ótrúlega létt í sínum hvíta og bleika marmara. Hún er byggð á tveimur hæðum, sú neðri með súlnagöngum og sú efri í blúndustíl, sem víða má sjá í Feneyjum.
Klukkuturninn er 99 metra hár og eitt af kennileitum borgarinnar, upphaflega byggður á 10. öld, en hrundi árið 1902 og var endurbyggður tíu árum seinna. Hann var upphaflega byggður sem viti fyrir sjófarendur en fékk einnig hlutverk með tímanum sem fangelsi. Þar uppi gefst gott útsýni yfir borgina og Feneyjaflóann.
Rialto brú
Feneyjar eru reistar á 118 smáeyjum og á milli þeirra eru um 200 síki með 435 brýr sem tengja eyjarnar saman. Borginni stafar vaxandi hætta af flóðum, mengun og landsigi og af og til fáum við fréttir um flóð á Markúsartorgi. Þá eru settar upp göngubrautir svo að fólk komist um þurrum fótum.
Þekktust brúanna í Feneyjum er án efa Rialto brúin sem er elst þriggja brúa yfir Canal Grande, reist miðja vega milli lestastöðvarinnar og Markúsartorgs. Hér hefur verið brú síðan í lok 12. aldar en núverandi brú er frá 1591, hönnuð af Antonio da Ponte.
Brúin spannar fljótið í einum boga og hvor brúarstöpull hvílir á 6000 lóðréttum eikarbolum, sem liggja niður á botn. Brúin rúmar tvær lengjur af sölubúðum með göngutröppum á milli og til beggja hliða.
Önnur þekkt brú er Stunubrúin – Ponte della Paglia, sem tengir Hertogahöllina við dómhöllina, og var reist á síðari hluta sextándu aldar. Nafnið stafar af stunum fanga, sem leiddir voru til dómhallar og sáu gegnum litla glugga til lífsins í Feneyjum í síðasta sinn.
Rialto brú
Feneyjar eru reistar á 118 smáeyjum og á milli þeirra eru um 200 síki með 435 brýr sem tengja eyjarnar saman. Borginni stafar vaxandi hætta af flóðum, mengun og landsigi og af og til fáum við fréttir um flóð á Markúsartorgi. Þá eru settar upp göngubrautir svo að fólk komist um þurrum fótum.
Þekktust brúanna í Feneyjum er án efa Rialto brúin sem er elst þriggja brúa yfir Canal Grande, reist miðja vega milli lestastöðvarinnar og Markúsartorgs. Hér hefur verið brú síðan í lok 12. aldar en núverandi brú er frá 1591, hönnuð af Antonio da Ponte.
Brúin spannar fljótið í einum boga og hvor brúarstöpull hvílir á 6000 lóðréttum eikarbolum, sem liggja niður á botn. Brúin rúmar tvær lengjur af sölubúðum með göngutröppum á milli og til beggja hliða.
Önnur þekkt brú er Stunubrúin – Ponte della Paglia, sem tengir Hertogahöllina við dómhöllina, og var reist á síðari hluta sextándu aldar. Nafnið stafar af stunum fanga, sem leiddir voru til dómhallar og sáu gegnum litla glugga til lífsins í Feneyjum í síðasta sinn.
Flestir ferðast milli borgarhluta með vaporetto eða almenningsbátum en Feneyjar eru þó hvað frægastar fyrir gondólana sem er stjakað um síkin og hafa löngum verið ímynd rómantíkur.
Sigling um Stóra kanal gefur tækifæri til að berja augum ótal villur og hallir sem standa með bökkum. Margar eru glæstar og hljóta að hafa verið upplifun fyrir margan ferðalanginn á öldum áður – tala nú ekki um þá Íslendinga sem þangað hafa ferðast og fæddir voru í torfbæjum!
Að vera í Feneyjum er einstakt, og fyrir marga algert yndi – eins og að vera lentur í ævintýri í þessari einstöku borg þar sem vatn flýtur alltum kring… Eiginlega eins og að vera lentur í risastórri leikmynd sem er ekki svo amaleg.
Algengustu spurningarnar
Your Title Goes Here
Your content goes here. Edit or remove this text inline or in the module Content settings. You can also style every aspect of this content in the module Design settings and even apply custom CSS to this text in the module Advanced settings.
Þarf ég að vera liðug/ur til að vera með í jóga?
Nei, svo sannarlega ekki. Í ferðunum er ýmist leitt kundalini jóga eða jóga nidra. Í kundalini jóga eru stöður og æfingar aðlagaðar að þátttakendum og ef þarf er hægt að gera margar æfinganna sitjandi á stól, fyrir þá sem líkar illa að sitja í jógastöðu á dýnu. Viðkomandi æfingar hafa alveg jafn mikil áhrif hvort sem þær eru framkvæmdar sitjandi á stól eða á jógadýnu.
Í jóga nidra eru þátttakendur leiddir í djúpa slökun þar sem mestmegnis er hvílt í liggjandi stöðu og líkamlegt ástand eða hreyfifærni hamlar engum að taka þátt í því.
Hvernig jóga er kennt?
Við kennum ýmist kundalini jóga eða jóga nidra. Í kundalini jóga er tíminn samsettur af upphitun, röð af jógaæfingum, hugleiðslu og slökun. Með iðkun kundalini jóga flæðir lífsorkan okkar og eykur og jafnar streymi milli orkustöðva. Við fáum meira jafnvægi í starfsemi líkamans, þar með talið milli heilahvela og mikil áhersla er á örvun innkirtlakerfisins sem er svo mikilvægt heilbrigði okkar. Við þjálfum andlegan og líkamlegan styrk með líkamlegum æfingum og öndunaræfingum sem hreinsa og auka flæði orkunnar, undirstöðu heilbrigðis. Hugleiðslan í lok tímans færir okkur ró sem og andlegan styrk, og úrvinnslu úr því sem kann að valda okkur spennu og streitu.
Í jóga nidra er leidd slökun þar sem hvílt er í liggjandi stöðu og æfingar eru gerðar tengdar meðvitund um líkama og öndun sem miða að því að ná meiri ró og dýpri slökun. Í dýpstu slökun er komið inn í ástand þar sem heilun og friðsæld ríkir. Mörg okkar þekkja það ástand þegar hugurinn heldur okkur eins og í spennitreyju með sífelldum hugsunum en í dýpstu slökun losnum við þaðan. Einnig getur þar farið fram hreinsun alveg niður í undivitund, oft án þess að við vitum af því. Jóga nidra hentar vel þeim sem eru að fást við kvíða, streitu og kulnun.
Mér finnst erfitt að sitja í jógastellingu - get ég tekið þátt?
Í jóga nidra eru þátttakendur leiddir í djúpa slökun þar sem mestmegnis er hvílt í liggjandi stöðu og því geta allir lagt stund á þetta jóga.
Í kundalini jóga eru stöður og æfingar aðlagaðar að þátttakendum og ef þarf, er hægt að gera margar æfinganna sitjandi á stól. Viðkomandi æfingar hafa alveg jafn mikil áhrif hvort sem þær eru framkvæmdar sitjandi á stól eða á jógadýnu.
Fá starfsmannahópar styrki frá sínu félagi fyrir ferðinni?
Mörg stéttarfélög veita styrki fyrir ferðum eins og þeim sem Eilífðarsól stendur fyrir. Undanfarin ár hafa hópar starfsmanna í grunnskólum á höfuðborgarsvæðinu farið í jógaferðir og lýst ánægju sinni með þær svo vitnað sé í ein ummælin hér á síðunni … "Ferðin okkar til Ítalíu var dásamleg. Yndislegur fararstjóri, frábært jóganámskeið og endurnýjandi hugleiðsla. Kærar þakkir fyrir skipulagið. Dagskráin gekk öll framar vonum og skoðunarferðirnar voru æðislegar. Svona ferð ætti að vera skylda hjá KÍ ️og jafnvel gjaldfrjáls fyrir bugaða kennara!"
Kynntu þér málið hjá þínu stéttarfélagi eða sendu línu til okkar og við göngum í málið.
Eru ferðirnar ykkar bara fyrir konur?
Nei, alls ekki. Margir karlmenn hafa tekið þátt í starfsmannahópaferðum með okkur og notið þeirra jafn vel og konur. Karlmenn þurfa engu síður en konur að læra að slaka á og takast á við streitu.
Henta þessar ferðir einstaklingum?
Já, í ferðunum kynnast þátttakendur mjög vel og oft verða til vináttusambönd sem vara áfram og sumir hópar hittast áfram eftir ferðina eða halda sambandi sem segir nokkuð um þá góðu stemmingu sem fylgir þessum ferðum.