TENE – ekki bara til að TANA

Flug frá Keflavík til Tenerife og við tekur rútuferð á gististað.

Við byrjum daginn með jóga og morgunverði og síðan hefjum við sjálfsræktarnámskeiðið þar sem við leggjum inn umhugsunarefni fyrir sjálfsrækt og ræðum komandi viku.

Við förum svo í létta göngu um nærumhverfi gististaðarins og prófum göngustíga sem liggja út í ósnortna náttúru. Síðan er dagurinn laus til að gera það sem hugur girnist. Sjálfsagt vilja margir hafa það rólegt til að jafna sig eftir flugferðina frá Íslandi og kannski bara sóla sig ef svo viðrar.

Dagurinn hefst á jóga og eftir morgunmat förum við í skemmtilega sjálfræktarvinnu (1-2 klst.) þar sem við skoðum styrkleika okkar, sérstöðu og sóknarfæri. Við endum á að setja okkur markmið sem við höfum í huga fram að næstu stund.
Eftir hádegi förum við til bæjarins Garachico El Sauzal sem hefur lítinn snotran miðbæ en perla bæjarins eru laugar sem liggja við ströndina, myndaðar af hrauni sem hefur flætt í sjó. Við unum okkur við rölt í þessum bæ og kíkjum á kaffihús og veitingastaði.

Dagurinn hefst á jóga og eftir morgunmat ræðum við markmið okkar frá deginum áður. Verkefni dagsins (1-2 klst) er að við skoðum mátt eigin hugsana og hvaða áhrif viðhorf okkar hafa á lífsgæði. Við endum á markmiðssetningu.

Það sem eftir er dagsins er frjáls tími. Hægt er að fara í létta göngu, hjólatúr eða bara sóla sig og slaka á eða eitthvað sem til hugar kemur.

Að loknu jóga og morgunmat ræðum við markmið okkar frá deginum áður. Verkefni dagsins (1-2 klst) er gleði og jafnvægi; hvaðan kemur gleðin, hvernig nærum við hana og hvað vinnur með eða gegn jafnvægi okkar í daglegu lífi? Við endum á markmiðssetningu.

Eftir hádegi ætlum við að heimsækja sérstakt þorp sem kúrir á hæð í Masca dalnum. Masca þýðir gríma á spænsku, spurning hvort það hefur eitthvað með bæinn að gera sem stendur í 600 metra hæð yfir sjávarmáli og hæst allra byggða á Tenerife. Það er einstakt að vera í þessu fallega þorpi sem státar af fallegu útsýni, en kannski smá erfitt fyrir lofthrædda að keyra upp því vegurinn til þorpsins er brattur og þröngur. Í þorpinu búa um hundrað manns og yndislegt að una sér á röltinu og njóta þessa sérstaka þorps eða snarla á einhverjum veitingastaðanna þar.

Við hefjum daginn með jóga og eftir morgunmat förum við yfir markmið okkar frá degi 5. Verkefni dagsins er samskipti en þau eru stór hluti af daglegu lífi, og í þeim felast auðlindir og áskoranir. Ræðum mörk, gefandi samskipti og ólíka samskiptastíla.
Og síðan er dagurinn algerlega þinn!

Eftir hádegi er margt hægt að gera – fara í hjólatúr, taka strætó eða ferju í einhvern bæjanna við vatnið, skreppa til Bergamo sem er fallegur bær, kíkja á vínbúgarð eða bara slaka … Stætóferð til Limone – „sítrónubæjarins“, tekur um klukkustund og til Gargnano um hálftíma en báðir þessir bæir eru við vesturhluta vatnsins.

Um hádegi förum við með rútu til hinnar fallegu borgar Verona og njótum leiðsagnar um land og þjóð. Veróna er einstaklega rómantísk borg og þar má meðal annars líta hina einu sönnu Júlíu augum en saga hennar og Rómeós gerist þar. Einnig eru þar skemmtilegar götur, fornt hringleikahús frá tíð Rómverja, falleg torg og kastali við ána.

Það sem eftir er dagsins er frjáls tími. Það er hægt að skreppa í hjólatúr, eða í siglingu með ferjunni sem siglir um vatnið til dæmis til næsta bæjar, Sirmione sem er fallegur gamall bær með kastala frá miðöldum og skemmtilegar litlar götur sem gaman er að þræða og kíkja í litlar búðir. Eða fara í göngu, taka strætó til einhvers bæjar í grenndinni eða bara slaka við hótelið. Í garðinum er sundlaug þar sem ljúft er að sóla sig.

Hótelið er í bænum Saló við vesturbakka Gardavatnsins. Niður að ströndinni er 20 mínútna ganga frá hóelinu og þar er skemmtileg gönguleið með bökkum hins rómaða Gardavatns. Saló er um 10.000 manna bær og státar af dómkirkju í gotneskum stíl frá 15. öld. Þar við torgið er hægt að gæða sér á ís sem sagður er sá besti og rjómakenndasti við allt Gardavatn – ísbúðin heitir La Casa del Dolce eða Hús hins sæta. Þar er líka gamli bærinn og helsta verslunargatan, Via San Carlo, sem liggur frá dómkirkjunni að torginu Piazza Zanelli.

Að venju hefst dagurinn á jóga, morgunverði og sjálfsræktarnámskeiði. Viðfangsefni dagsins er forgangsröðun þar sem við förum yfir nærandi og íþyngjandi þræði í okkar daglega lífi, hugsunum og venjum. Við endum svo á samantekt fyrri vinnudaga (2 klst).
Þá er framundan dagur til heimsækja drottningu eyjarinnar sem er hið formfagra eldfjall Teide, hæsti tindur Spánar og gnæfir 3718 metra yfir sjávarmál. Teide er hluti af þjóðgarðinum Parque Nacional del Teide sem er á Heimsminjaskrá UNESCO. Eldfjallið gaus seinast árið 1909 og er eitt af stærstu eldfjöllum heims.
Byggðin á eyjunni hringar sig kringum eldfjallið en Tenerife þýðir Hvítafjall á máli innfæddra, tene: fjall; -ife: hvítur. Þar nærri veljum við okkur gönguleið við hæfi hópsins. Oftar en ekki er horft niður á skýin þegar ekið er upp veginn til Teide, það er jú gaman að vera skýjum ofar!

Síðasti dagurinn okkar í ferðinni hefst með morgunjóga og síðan tekur við morgunverður. Dagurinn er frjáls þar til tími verður kominn til að kveðja hótel og taka rútuna sem flytur okkur út á flugvöll. Að kvöldi skilum við okkur heim á frónið okkar kæra, vel úthvíld og endurnærð á líkama, huga og sál.