Tenerife
Tenerife
Tenerife er stærst eldfjallaeyjanna Kanaríeyja,og teygir sig yfir um 2000 km², staðsett vestan undan ströndum Marokkó í Afríku. Á eyjunni búa tæplega 900.000 íbúar. Hún státar af mörgum ströndum sem ýmist eru lagðar dökkum eða gullnum sandi. Mikill munur er á gróðurfari á eyjunni milli norðurs og suðurs, þurrt og kyrkingslegur gróður syðra en gróðursæld nyrðra með regnskógi allra nyrst.
Tenerife er stærst eldfjallaeyjanna Kanaríeyja,og teygir sig yfir um 2000 km², staðsett vestan undan ströndum Marokkó í Afríku. Á eyjunni búa tæplega 900.000 íbúar. Hún státar af mörgum ströndum sem ýmist eru lagðar dökkum eða gullnum sandi. Mikill munur er á gróðurfari á eyjunni milli norðurs og suðurs, þurrt og kyrkingslegur gróður syðra en gróðursæld nyrðra með regnskógi allra nyrst.
Höfuðborgin Santa Cruz de Tenerife
Höfuðborg eyjarinnar er Santa Cruz en þar má finna ýmislegt sem minnir á rúmlega 500 ára sögu eyjarinnar. Borgin var stofnuð 3. maí 1494 af Spánverjanum Alfonso Fernández de Lugo og varð mikilvæg höfn á verslunarleið milli Evrópu og nýlenda í Ameríku. Santa Cruz er næst fjölmennasta borg Kanaríeyja og iðar af mannlífi og státar af gömlum byggingum sem vísa í söguna þar sem þær standa við torg bæjarins..
Í borginni eru skemmtilegar gönguleiðir, fallegir garðar, fjölbreyttar verslanir, skrautlegir listamenn og nútímalegur arkitektúr. Markaður er haldinn á sunnudögum og lokkar til sín marga og gatan La Noria er vinsæl fyrir sínar krár og knæpur.
Skoðunarverðar byggingar í Santa Cruz
Skoðunarvert í borginni er til dæmis Listahöllin, Espacio de la Artes, sem er í nýstárlegri byggingu við San Sebastian breiðgötuna. Þar er undir einu þaki listasafn, ljósmyndasafn og bókasafn auk reglulegra annarra listviðburða; einnig er þar lítið leikhús, nokkrar verslanir og veitingastaður. Tenerife höllin er einnig merkileg bygging, víðfræg fyrir arkitektúr og geysifallegt hús sem minnir helst á segl gamalla skipa. Þar fara fram ráðstefnur og ýmsir viðburðir og stórtónleikar. Tvíburaturnana ber víða við himin, og þeir voru tvær hæstu byggingar á Spáni fram til ársins 2010 en þá var reist hærri bygging í Madrid.
Safn manns og náttúru er gott náttúrusafn, vel þekkt fyrir Guanche múmíu en Guanche voru frumbyggjar Kanaríeyjanna áður en Spánverjar komu til skjalanna. Þá tíðkaðist að smyrja lík látinna ekki ósvipað og Egyptar gerðu og allmargar slíkar grafir hafa fundist á öllum eyjunum.
García Sanabria garðurinn á uppruna sinn snemma á 20. öld, er miðsvæðis í borginni, og kærkominn staður til að hvíla lúin bein eftir göngutúr undir heitri sólinni. Annar staður til að sitja á og njóta mannlífs er Spánartorg, miðpunktur Santa Cruz og stærsta torg á öllum Kanaríeyjum með iðandi líf daga og nætur.
Skoðunarverðar byggingar í Santa Cruz
Skoðunarvert í borginni er til dæmis Listahöllin, Espacio de la Artes, sem er í nýstárlegri byggingu við San Sebastian breiðgötuna. Þar er undir einu þaki listasafn, ljósmyndasafn og bókasafn auk reglulegra annarra listviðburða; einnig er þar lítið leikhús, nokkrar verslanir og veitingastaður. Tenerife höllin er einnig merkileg bygging, víðfræg fyrir arkitektúr og geysifallegt hús sem minnir helst á segl gamalla skipa. Þar fara fram ráðstefnur og ýmsir viðburðir og stórtónleikar. Tvíburaturnana ber víða við himin, og þeir voru tvær hæstu byggingar á Spáni fram til ársins 2010 en þá var reist hærri bygging í Madrid.
Safn manns og náttúru er gott náttúrusafn, vel þekkt fyrir Guanche múmíu en Guanche voru frumbyggjar Kanaríeyjanna áður en Spánverjar komu til skjalanna. Þá tíðkaðist að smyrja lík látinna ekki ósvipað og Egyptar gerðu og allmargar slíkar grafir hafa fundist á öllum eyjunum.
García Sanabria garðurinn á uppruna sinn snemma á 20. öld, er miðsvæðis í borginni, og kærkominn staður til að hvíla lúin bein eftir göngutúr undir heitri sólinni. Annar staður til að sitja á og njóta mannlífs er Spánartorg, miðpunktur Santa Cruz og stærsta torg á öllum Kanaríeyjum með iðandi líf daga og nætur.
Gullna ströndin, Playa de las Teresitas
Til norðurs frá höfuðborginni er falleg strönd, Playa de las Teresitas, og á henni er innfluttur skeljasandur. Þar er rólegara strandlíf en víða annars staðar en þangað koma borgarbúir sjálfir til sólbaða og leikja. Flestar strendur Tenerife eru svartar vegna öskusands en ekki gullnar eins og margir búast við.
Skoðunarverðir bæir á eyjunni
Bærinn Garachico hefur lítinn snotran miðbæ en perla hans eru laugar sem liggja við ströndina, myndaðar af hrauni sem hefur flætt í sjó. Fallegan miðbæ er að finna og gaman að una sér við rölt í þessum bæ og kíka á kaffihús og veitingastaði.
Fyrrum var aðalhöfn Tenerife í bænum en árið 1706 varð eldgos sem lagði bæinn nánast í rúst. Þá rann hraunið yfir höfnina og mestan hluta bæjarins svo aðeins lítill hluti hans slapp. Hraunið myndaði náttúruböðin sem bærinn er þekktur fyrir í dag. Í dag eru íbúar þar tæplega 6000.
Skoðunarvert í Garachio
Gengnar eru þröngar götur og finna má fallega garða og byggingar. Þar má nefna kirkjurnar tvær Iglesia de Nuestra Señora de los Ángeles og Santa Ana, sem var endurbyggð eftir gosið. Aðrar merkilegar byggingar eru menningarhúsið Casa de la Cultura, sem hýsir þjóðminjasafn og bókasafn, og er hluti af klaustrinu Convento de San Francisco de Asís frá 1524.
Torg, kastali og garðar
Á aðaltorgi bæjarins, Plaza de la Libertad, eru kaffihús og veitingastaðir. Til að skreppa aftur í tímann má skoða San Miguel kastala sem er ein fárra gamalla bygginga sem slapp við hraunstrauminn, byggður á 16. öld. Svo má doka við á veitingastað þar nærri sem gefur fallegt útsýni yfir hafið. Í 15 mínútna akstursfjarlægð er útsýnisstaðurinn Mirador de Garachico ofan bæjarins og þar má sjá hvar hraunið rann árið 1706.
Skoðunarvert í Garachio
Gengnar eru þröngar götur og finna má fallega garða og byggingar. Þar má nefna kirkjurnar tvær Iglesia de Nuestra Señora de los Ángeles og Santa Ana, sem var endurbyggð eftir gosið. Aðrar merkilegar byggingar eru menningarhúsið Casa de la Cultura, sem hýsir þjóðminjasafn og bókasafn, og er hluti af klaustrinu Convento de San Francisco de Asís frá 1524.
Torg, kastali og garðar
Á aðaltorgi bæjarins, Plaza de la Libertad, eru kaffihús og veitingastaðir. Til að skreppa aftur í tímann má skoða San Miguel kastala sem er ein fárra gamalla bygginga sem slapp við hraunstrauminn, byggður á 16. öld. Svo má doka við á veitingastað þar nærri sem gefur fallegt útsýni yfir hafið. Í 15 mínútna akstursfjarlægð er útsýnisstaðurinn Mirador de Garachico ofan bæjarins og þar má sjá hvar hraunið rann árið 1706.
Fallegt sólarlag í El Sauzal
Bærinn El Sauzal er staðsettur á hamri á norðvestanverðri eyjunni og hefur undursamlegt útsýni til Teide eldfjalls sem horfir sínum fráu augum yfir Oratava dalinn og fagurblátt hafið. El Sauzal liggur utan ferðamannaslóða og er því rólegur og afslappaður bær.
Fallegur miðbær liðast umhverfis San Pedro torgið og kirkjan sem þar stendur er sú fjórða elsta á eyjunni. Skammt frá er garðurinn Los Lavaderos með tjörn og fögrum gróðri og þar má njóta góðs útsýnis. Taki degi að halla þegar verið er þar gefst kostur að sjá sjónarspil undursamlegs sólarlags á meðan setið er á veitingastað eða kaffihúsi í bænum.
Þorp sjóræningjanna – Masca
„Týnda þorpið.” Masca er ákaflega sérstakt þorp sem kúrir á hæð í Masca dalnum og vert að sækja heim. Masca þýðir reyndar gríma á spænsku og þjóðsögur eru um að þar hafi sjóræningjar haft aðsetur en vitað er að þeir réðu yfir hafsvæðinu umhverfis á 16. öld. Þorpið stendur hæst allra byggða á Tenerife í 600 metra hæð yfir sjávarmáli. Það er einstakt að vera í þessu fallega þorpi sem státar af fallegu útsýni, kannski smá erfitt fyrir lofthrædda að keyra þangað því „hárnálavegurinn” til þorpsins er brattur og þröngur. Í þorpinu búa um hundrað manns og yndislegt að una sér á röltinu og njóta þessa sérstaka þorps eða snarla á einhverjum veitingastaðanna þar. Fyrsti vegur sem var gerður að þorpinu var lagður 1972 en áður hafði það verið lokað inni í dal milli hárra fjalla og engin leið að komast að því nema gangandi.
Þorp sjóræningjanna – Masca
„Týnda þorpið.” Masca er ákaflega sérstakt þorp sem kúrir á hæð í Masca dalnum og vert að sækja heim. Masca þýðir reyndar gríma á spænsku og þjóðsögur eru um að þar hafi sjóræningjar haft aðsetur en vitað er að þeir réðu yfir hafsvæðinu umhverfis á 16. öld. Þorpið stendur hæst allra byggða á Tenerife í 600 metra hæð yfir sjávarmáli. Það er einstakt að vera í þessu fallega þorpi sem státar af fallegu útsýni, kannski smá erfitt fyrir lofthrædda að keyra þangað því „hárnálavegurinn” til þorpsins er brattur og þröngur. Í þorpinu búa um hundrað manns og yndislegt að una sér á röltinu og njóta þessa sérstaka þorps eða snarla á einhverjum veitingastaðanna þar. Fyrsti vegur sem var gerður að þorpinu var lagður 1972 en áður hafði það verið lokað inni í dal milli hárra fjalla og engin leið að komast að því nema gangandi.
Gönguleið fyrir vant göngufólk
En helsta aðdráttarafl Masca hefur verið gönguleiðin að Masca strönd frá þorpinu. Gangan tekur frá tveimur stundum, fyrir þá sem eru í fínu formi, og upp í fjórar stundir fyrir hina. Á endastöð er komið niður á strönd sem er lokuð af klettum á báðar hliðar.
Hægt er að láta sækja sig á bát þegar komið er niður á strönd. Það kemur í veg fyrir að klöngrast þurfi alla leið upp á við til baka. Hafa skal í huga að taka með sér vatn og sólarvörn og eitthvað sem hlífir höfðinu gegn geislum sólar. Og auðvitað þarf gönguskó í þessa ferð. Kanna þarf hvort gönguleiðin sé opin áður en lagt er í hann að heiman.
Drottningin Teide eldfjall
Hið formfagra eldfjall Teide er hæsti tindur Spánar og gnæfir 3718 metra yfir sjávarmál. Teide er hluti af þjóðgarðinum Parque Nacional del Teide sem er á Heimsminjaskrá UNESCO. Eldfjallið gaus seinast árið 1909 og er eitt af stærstu eldfjöllum heims. Byggðin á Tenerifeeyjunni hringar sig kringum eldfjallið en Tenerife þýðir Hvítafjall á máli innfæddra.
Kvikni löngun til að fara upp á fjallið þá tekur ferð með kláfnum bara átta mínútur frá efra plani. Það er staðsett í 3555 metra hæð og þar má velja um þrjár leiðir – ein af þeim er gígur fjallsins og hæsti tindur Spánar – og undursamlegt útsýni í góðu skyggni. En hafa skal í huga að þetta er mikil hækkun og það getur verið kalt þarna uppi.
Algengustu spurningarnar
Your Title Goes Here
Your content goes here. Edit or remove this text inline or in the module Content settings. You can also style every aspect of this content in the module Design settings and even apply custom CSS to this text in the module Advanced settings.
Þarf ég að vera liðug/ur til að vera með í jóga?
Nei, svo sannarlega ekki. Í ferðunum er ýmist leitt kundalini jóga eða jóga nidra. Í kundalini jóga eru stöður og æfingar aðlagaðar að þátttakendum og ef þarf er hægt að gera margar æfinganna sitjandi á stól, fyrir þá sem líkar illa að sitja í jógastöðu á dýnu. Viðkomandi æfingar hafa alveg jafn mikil áhrif hvort sem þær eru framkvæmdar sitjandi á stól eða á jógadýnu.
Í jóga nidra eru þátttakendur leiddir í djúpa slökun þar sem mestmegnis er hvílt í liggjandi stöðu og líkamlegt ástand eða hreyfifærni hamlar engum að taka þátt í því.
Hvernig jóga er kennt?
Við kennum ýmist kundalini jóga eða jóga nidra. Í kundalini jóga er tíminn samsettur af upphitun, röð af jógaæfingum, hugleiðslu og slökun. Með iðkun kundalini jóga flæðir lífsorkan okkar og eykur og jafnar streymi milli orkustöðva. Við fáum meira jafnvægi í starfsemi líkamans, þar með talið milli heilahvela og mikil áhersla er á örvun innkirtlakerfisins sem er svo mikilvægt heilbrigði okkar. Við þjálfum andlegan og líkamlegan styrk með líkamlegum æfingum og öndunaræfingum sem hreinsa og auka flæði orkunnar, undirstöðu heilbrigðis. Hugleiðslan í lok tímans færir okkur ró sem og andlegan styrk, og úrvinnslu úr því sem kann að valda okkur spennu og streitu.
Í jóga nidra er leidd slökun þar sem hvílt er í liggjandi stöðu og æfingar eru gerðar tengdar meðvitund um líkama og öndun sem miða að því að ná meiri ró og dýpri slökun. Í dýpstu slökun er komið inn í ástand þar sem heilun og friðsæld ríkir. Mörg okkar þekkja það ástand þegar hugurinn heldur okkur eins og í spennitreyju með sífelldum hugsunum en í dýpstu slökun losnum við þaðan. Einnig getur þar farið fram hreinsun alveg niður í undivitund, oft án þess að við vitum af því. Jóga nidra hentar vel þeim sem eru að fást við kvíða, streitu og kulnun.
Mér finnst erfitt að sitja í jógastellingu - get ég tekið þátt?
Í jóga nidra eru þátttakendur leiddir í djúpa slökun þar sem mestmegnis er hvílt í liggjandi stöðu og því geta allir lagt stund á þetta jóga.
Í kundalini jóga eru stöður og æfingar aðlagaðar að þátttakendum og ef þarf, er hægt að gera margar æfinganna sitjandi á stól. Viðkomandi æfingar hafa alveg jafn mikil áhrif hvort sem þær eru framkvæmdar sitjandi á stól eða á jógadýnu.
Fá starfsmannahópar styrki frá sínu félagi fyrir ferðinni?
Mörg stéttarfélög veita styrki fyrir ferðum eins og þeim sem Eilífðarsól stendur fyrir. Undanfarin ár hafa hópar starfsmanna í grunnskólum á höfuðborgarsvæðinu farið í jógaferðir og lýst ánægju sinni með þær svo vitnað sé í ein ummælin hér á síðunni … "Ferðin okkar til Ítalíu var dásamleg. Yndislegur fararstjóri, frábært jóganámskeið og endurnýjandi hugleiðsla. Kærar þakkir fyrir skipulagið. Dagskráin gekk öll framar vonum og skoðunarferðirnar voru æðislegar. Svona ferð ætti að vera skylda hjá KÍ ️og jafnvel gjaldfrjáls fyrir bugaða kennara!"
Kynntu þér málið hjá þínu stéttarfélagi eða sendu línu til okkar og við göngum í málið.
Eru ferðirnar ykkar bara fyrir konur?
Nei, alls ekki. Margir karlmenn hafa tekið þátt í starfsmannahópaferðum með okkur og notið þeirra jafn vel og konur. Karlmenn þurfa engu síður en konur að læra að slaka á og takast á við streitu.
Henta þessar ferðir einstaklingum?
Já, í ferðunum kynnast þátttakendur mjög vel og oft verða til vináttusambönd sem vara áfram og sumir hópar hittast áfram eftir ferðina eða halda sambandi sem segir nokkuð um þá góðu stemmingu sem fylgir þessum ferðum.